SOMO: MBINU ZA KUVUNA WATU

SOMO: MBINU ZA KUVUNA WATU NA KUWALETA KWA YESU

Karibuni SOMO hili Nzuri

​Kuvuna watu (Uinjilisti) si kazi ya wahubiri pekee, bali ni agizo la kila mwamini. Ili kufanikisha hili, tunahitaji mkakati wa kiroho na wa kiutendaji.Naitwa Pastor Richard Nipo Morogoro Karibu. 

​1. Maandalizi ya Kiroho (Maombi ya Upatanisho)

​Kabla ya kusema na watu kuhusu Mungu, lazima useme na Mungu kuhusu hao watu. Maombi hulegeza mioyo migumu na kufungua milango ya ufahamu.

• ​Andiko la Kusoma:-
• 
  
• : “Basi, kabla ya mambo yote, nataka dua, na sala, na maombezi, na shukrani, zifanyike kwa ajili ya watu wote.” (1 Timotheo 2:1)

• ​Mambo Ya Kufanya:
• 1:​Omba Roho Mtakatifu akupe
• 
  
• 2: "Macho ya Kiroho" kuwaona wenye uhitaji.. 
• 
  
• ​3:Vunja ngome za shetani zinazowazui
• 
  
• 4:​Omba Mungu akukutanishe na mtu ambaye moyo wake umeshaandaliwa.
• 
  

​2. Jenga Uhusiano wa Upendo (Ushuhuda wa Maisha)

​Watu wengi huvutiwa na tabia yako kabla hawajavutiwa na maneno yako. Upendo ni lugha inayoeleweka na kila mtu.

• ​Andiko la Kusoma
• 
  
• “Vivyo hivyo nuru yenu na iangaze mbele ya watu, wapate kuyaona matendo yenu mema, wamtukuze Baba yenu aliye mbinguni.” (Mathayo 5:16)

• ​Mambo Ya Kufata:
• 
  
• 1:​Kuwa mkarimu na mwaminifu katika jamii yako.
• 
  
• 2:​Onyesha upendo kwa vitendo (kusaidia wenye shida).
• . 
• 
  
• 3:​Maisha yako yawe "Biblia inayosomeka" kwa wasioamini.. 
• 
  

​3. Kuitumia Fursa (Kusema Neno kwa Wakati)

​Baada ya kujenga uaminifu, tumia nafasi hiyo kueleza kile Yesu alichokifanya maishani mwako. Sio lazima uwe na elimu kubwa ya teolojia; shuhudia ukweli wako.

• ​Andiko la Kusoma ni hili:-
• 
  
• “Mwe tayari siku zote kumjibu kila mtu awaulizaye habari za tumaini lililo ndani yenu; lakini kwa upole na kwa hofu.” (1 Petro 3:15)

• ​Mambo Ya Kufuata
• 
  
• 1:​Tumia lugha rahisi na ya upole, usibishane wala kuhukumu.
• 
  
• 2:​Zungumzia amani na furaha unayopata ndani ya Kristo.
• . 
• 3:​Eleza kuwa Yesu ni jibu la mahitaji yao (shida, magonjwa, au upweke).
• 
  

​4. Kutoa Mwaliko wa Wazi (Kufanya Uamuzi)

​Mvunaji lazima akusanye mavuno. Usiishie tu kuzungumza; mwalike mtu huyo kufanya uamuzi wa kumfuata Yesu au kuja kanisani.

• ​Andiko La Kusoma ni hili

• “Filipo akamwambia, Njoo uone.” (Yohana 1:46)

• MAMBO YA KUFUATA

• 1:​Mwalike kwenye ibada au mkutano wa neno la Mungu.

• 2:​Mwongoze sala ya toba ikiwa yuko tayari kumpokea Yesu hapo hapo.

• 3:​Mhakikishie kuwa milango ya rehema iko wazi kwa ajili yake.

​5. Malezi na Ufuatiliaji (Discipleship)

​Kazi haiishii mtu anapookoka. Mvunaji mzuri anahakikisha ngano haiozi shambani. Ni lazima kumsaidia muumini mpya akue.

• ​Andiko: Soma hili

• “Basi, nendeni, mkawafanye mataifa yote kuwa wanafunzi... na kuwafundisha kuyashika yote niliyowaamuru ninyi.” (Mathayo 28:19-20)

• ​Mambo Ya Kufata  Ili ufanikishe

• 1:​Mtembelee au mpigie simu kumjulia hali ya kiroho.
• 
  
• 2:​Msaidie kuelewa misingi ya neno la Mungu (kusali na kusoma Biblia).
• 
  
• 3:​Munganishe na kikundi cha fellowship au darasa la waumini wapya.

​HITIMISHO:

Kuvuna watu ni ushirikiano kati yako na Roho Mtakatifu. Wewe tupa wavu kwa upendo na imani, na Mungu ataleta samaki.

With

Andiko Majina matatu ya Watu unaotaka Waokoke na Wasimame.